గ్యాస్ కనెక్షన్ ఉన్నవాళ్లు సిలిండర్ బుక్ చేయడానికి ఒకప్పుడు గ్యాస్ ఏజెన్సీకి (Gas Agency) వెళ్లడం లేదా ఫోన్ ద్వారా ప్రయత్నించడం తప్ప మరో మార్గం(Another way) ఉండేది కాదు. అయితే ఇప్పుడు సాంకేతికత అభివృద్ధితో Liquefied Petroleum Gas – LPG సిలిండర్ బుకింగ్ ప్రక్రియ పూర్తిగా మారిపోయింది. వాట్సాప్, మిస్డ్ కాల్, UPI పేమెంట్ యాప్స్, IVRS వంటి సేవల ద్వారా ఇంట్లో నుంచే కొన్ని సెకన్లలో రీఫిల్ బుక్(Refill book) చేసుకునే అవకాశం అందుబాటులో ఉంది. ఇండేన్ గ్యాస్ (Indane gas), భారత్ గ్యాస్ (Bharatgas), హెచ్పి గ్యాస్ (HP Gas) వినియోగదారులు ఈ డిజిటల్ సేవలను సులభంగా ఉపయోగించుకోవచ్చు. ఏ పద్ధతిలో ఎలా బుక్ చేయాలి? ఏ జాగ్రత్తలు తీసుకోవాలి? అనే పూర్తి వివరాలను ఇప్పుడు తెలుసుకుందాం.
WhatsApp ద్వారా గ్యాస్ సిలిండర్ బుకింగ్
WhatsApp ద్వారా LPG గ్యాస్ సిలిండర్ బుక్ చేయడం చాలా సులభం. అయితే, తప్పనిసరిగా మీ ‘గ్యాస్ కనెక్షన్ (Gas Connection)‘కు నమోదైన రిజిస్టర్డ్(Registered) మొబైల్ నంబర్ నుంచే మెసేజ్ పంపాలి. Indane Gas వినియోగదారులు 7588888824 నంబర్కు REFILL అని పంపాలి. Bharatgas వినియోగదారులు 1800224344 నంబర్కు Hi లేదా Book అని మెసేజ్ చేయాలి. HP Gas వినియోగదారులు 9222201122 నంబర్కు Book అని పంపాలి. మీ అభ్యర్థన విజయవంతంగా నమోదైన వెంటనే బుకింగ్ కన్ఫర్మేషన్తో(Booking Confirmation) పాటు రీఫిల్ వివరాలు SMS లేదా WhatsApp ద్వారా మీ మొబైల్కు అందుతాయి. దీంతో ఎలాంటి ఫోన్ కాల్స్ చేయాల్సిన అవసరం లేకుండా, కొన్ని సెకన్లలోనే గ్యాస్ సిలిండర్ బుకింగ్ పూర్తి చేసుకోవచ్చు.
మిస్డ్ కాల్ ద్వారా గ్యాస్ సిలిండర్ బుకింగ్
ఇంటర్నెట్ సౌకర్యం లేకపోయినా లేదా సాధారణ మొబైల్ ఫోన్ ఉపయోగిస్తున్నా, మిస్డ్ కాల్(Missed call) ద్వారా కూడా LPG గ్యాస్ సిలిండర్ రీఫిల్ను సులభంగా బుక్ చేసుకోవచ్చు. ఇందుకోసం మీ గ్యాస్ కనెక్షన్కు నమోదైన మొబైల్ నంబర్ నుంచే కాల్ చేయాలి. Indane Gas వినియోగదారులు 8454955555, BharatGas వినియోగదారులు 7710955555, HP Gas Gas వినియోగదారులు 9493602222 నంబర్కు మిస్డ్ కాల్ ఇవ్వాలి. ఒకటి లేదా రెండు రింగుల తర్వాత కాల్ ఆటోమేటిక్గా డిస్కనెక్ట్ అవుతుంది. అనంతరం మీ బుకింగ్ విజయవంతంగా నమోదైనట్లు కన్ఫర్మేషన్తో పాటు బుకింగ్ రిఫరెన్స్ (Booking Reference) వివరాలు SMS రూపంలో మీ మొబైల్కు అందుతాయి.
Google Pay, PhonePe, Paytm ద్వారా బుకింగ్
UPI యాప్స్ ద్వారా కూడా గ్యాస్ సిలిండర్ బుక్ చేయవచ్చు. కొన్ని సందర్భాల్లో క్యాష్బ్యాక్ ఆఫర్లు కూడా అందుబాటులో ఉండే అవకాశం ఉంటుంది.
- Google Pay, PhonePe లేదా Paytm యాప్ ఓపెన్ చేయండి.
- Recharge & Pay Bills విభాగంలో Book a Cylinder ఎంపికను సెలెక్ట్ చేయండి.
- మీ గ్యాస్ కంపెనీని ఎంచుకోండి.
- LPG ID లేదా రిజిస్టర్డ్ మొబైల్ నంబర్ నమోదు చేయండి.
- వివరాలు ధృవీకరించి చెల్లింపు పూర్తి చేయండి.
దీనిని చదవండి – కూతురి పెళ్లి, చదువు కోసం మధ్యలోనే డబ్బులు తీసుకోవచ్చా? కొత్త నిబంధనలు ఇవే!
IVRS ద్వారా గ్యాస్ సిలిండర్ బుకింగ్
ఇంటర్నెట్ లేదా స్మార్ట్ఫోన్ అందుబాటులో లేకపోయినా, IVRS (Interactive Voice Response System) సేవ ద్వారా కూడా LPG గ్యాస్ సిలిండర్ను సులభంగా బుక్ చేసుకోవచ్చు. మీ గ్యాస్ కనెక్షన్కు నమోదైన (Registered for Gas Connection) మొబైల్ నంబర్ నుంచి సంబంధిత గ్యాస్ కంపెనీ IVRS నంబర్కు కాల్ చేసి, వినిపించే వాయిస్ సూచనలను అనుసరిస్తే రీఫిల్ (Refill) బుకింగ్ పూర్తవుతుంది. ఈ సేవ 24 గంటలూ అందుబాటులో ఉండటంతో, ఎప్పుడైనా మీకు అనుకూలమైన (Favorable) సమయంలో గ్యాస్ సిలిండర్ను బుక్ చేసుకునే అవకాశం ఉంటుంది.
అధికారిక యాప్స్ ద్వారా గ్యాస్ సిలిండర్ బుకింగ్
గ్యాస్ సిలిండర్ బుకింగ్తో పాటు సబ్సిడీ వివరాలు, గత బుకింగ్ హిస్టరీ(Booking history), డెలివరీ స్టేటస్(Delivery status), KYC అప్డేట్ వంటి అనేక సేవలను ఆయా గ్యాస్ కంపెనీల అధికారిక మొబైల్ యాప్స్ (Official Mobile Apps) ద్వారా పొందవచ్చు. Indane Gas వినియోగదారులు IndianOil One Gas, HP Gas వినియోగదారులు HP Pay, BharatGas వినియోగదారులు Hello BPCL యాప్ను ఉపయోగించవచ్చు. ఈ యాప్స్లో లాగిన్ అయిన తర్వాత రీఫిల్ బుకింగ్ చేయడం, ఆన్లైన్ చెల్లింపులు (Online Payments) పూర్తి చేయడం, సబ్సిడీ స్థితిని తెలుసుకోవడం, KYC వివరాలను అప్డేట్ చేయడం వంటి సేవలను ఒకే చోట సులభంగా వినియోగించుకోవచ్చు.
గ్యాస్ వాడేటప్పుడు ఈ జాగ్రత్తలు తప్పనిసరి
గ్యాస్ సిలిండర్ వినియోగంలో భద్రత చాలా ముఖ్యం.
- గ్యాస్ వాసన వస్తే వెంటనే రెగ్యులేటర్ ఆఫ్ చేసి తలుపులు, కిటికీలు తెరవాలి.
- ఎలాంటి ఎలక్ట్రిక్ స్విచ్లను ఆన్ లేదా ఆఫ్ చేయకూడదు.
- అత్యవసర పరిస్థితిలో 1906 హెల్ప్లైన్కు వెంటనే సమాచారం ఇవ్వాలి.
- డెలివరీ సమయంలో వచ్చే OTP (DAC)ను సిలిండర్ సీల్ పరిశీలించిన తర్వాత మాత్రమే డెలివరీ సిబ్బందికి చెప్పాలి.
- చెల్లింపు చేసే ముందు అధికారిక ధరను ఒకసారి పరిశీలించడం మంచిది.
Liquefied Petroleum Gas – LPG గ్యాస్ సిలిండర్ బుకింగ్ ఇప్పుడు మరింత సులభమైంది. WhatsApp, మిస్డ్ కాల్, UPI యాప్స్, IVRS లేదా అధికారిక యాప్స్ ద్వారా ఇంటి నుంచే కొన్ని నిమిషాల్లో(Minutes) రీఫిల్ బుక్ చేసుకోవచ్చు. అయితే, రిజిస్టర్డ్ మొబైల్ నంబర్ను మాత్రమే ఉపయోగించడం, భద్రతా సూచనలు పాటించడం తప్పనిసరి.
