PM-KISAN: రూ. 6,000 పెట్టుబడి సాయం, తాజా విడత అప్‌డేట్ & దరఖాస్తు పూర్తి వివరాలు

Scheme Information

Scheme Name	ప్రధానమంత్రి కిసాన్ సమ్మాన్ నిధి (PM-KISAN)
Launched By	భారత కేంద్ర ప్రభుత్వం (వ్యవసాయ & రైతు సంక్షేమ మంత్రిత్వ శాఖ)
Launch Year	2019 (అమలులోకి వచ్చిన తేదీ: డిసెంబర్ 1, 2018)
Financial Assistance	సంవత్సరానికి ₹6,000 (ప్రతి 4 నెలలకు ఒకసారి ₹2,000 చొప్పున 3 విడతల్లో డీబీటీ ద్వారా నేరుగా బ్యాంక్ ఖాతాల్లో జమ)
Beneficiaries	దేశవ్యాప్తంగా సాగుభూమి కలిగి ఉన్న అర్హులైన రైతు కుటుంబాలందరూ (నిబంధనల ప్రకారం మినహాయింపులు వర్తిస్తాయి)
Application Mode	ఆన్‌లైన్ (PM-KISAN పోర్టల్ / మొబైల్ యాప్) & ఆఫ్‌లైన్ (రైతు సేవా కేంద్రాలు / మీసేవ / గ్రామ సచివాలయాలు / వ్యవసాయ విస్తరణ అధికారులు)
Official Website	Official Website
Apply Link	Apply Online
PDF Link	View PDF

భారతదేశంలో వ్యవసాయాన్ని నమ్ముకుని జీవిస్తున్న కోట్లాది మంది రైతు కుటుంబాలకు ఆర్థికంగా అండగా నిలిచేందుకు కేంద్ర ప్రభుత్వం ప్రతిష్టాత్మకంగా తీసుకొచ్చిన పథకమే ప్రధాన మంత్రి కిసాన్ సమ్మాన్ నిధి (PM-KISAN). వ్యవసాయ అవసరాలకు రైతు కుటుంబాలకు కొంత మేరకు ఆదాయ మద్దతు అందించాలనే ఉద్దేశంతో ఫిబ్రవరి 2019 లో కేంద్ర ప్రభుత్వం అధికారికంగా ప్రారంభించింది. ఈ పథకం కింద అర్హత ఉన్న రైతు కుటుంబాలకు ఏడాదికి ₹6,000 చొప్పున ఆర్థిక సహాయం అందుతుంది.

ఈ పథకం ప్రయోజనం పొందడానికి ఎవరు అర్హులు? ₹6,000 సాయం ఎప్పుడు వస్తుంది? స్టేటస్ ఎలా చెక్ చేయాలి? కొత్తగా నమోదు చేసుకోవడానికి ఏం చేయాలి? ఈ ప్రశ్నలకు సంబంధించిన ముఖ్యమైన వివరాలను ఈ ఈ కథనం ద్వారా సులభంగా తెలుసుకుందాం.

PM-KISAN తాజా అధికారిక అప్‌డేట్ 2026

ప్రధానమంత్రి కిసాన్ పథకానికి సంబంధించి 2026 లో కీలకమైన మార్పులు, అధికారిక ప్రకటనలు వెలువడ్డాయి. జూలై 31, 2026న కేంద్ర మంత్రివర్గం ఈ పథకాన్ని 2026–27 నుంచి 2030–31 వరకు కొనసాగించేందుకు ఆమోదం తెలిపింది. ఈ కాలానికి మొత్తం ₹3.15 లక్షల కోట్ల ఆర్థిక కేటాయింపును కేంద్రం ఆమోదించింది.

ఇక 2026 జూన్ 20న పీఎం కిసాన్ 23వ విడత విడుదలైంది. ఈ విడతలో ₹18,880 కోట్లకు పైగా నిధులను 9.44 కోట్లకు పైగా రైతులకు DBT ద్వారా బదిలీ చేశారు.

పథకం ప్రయోజనాలు

ఏడాదికి రూ. 6,000 సాయం: ఈ పథకం కింద అర్హులైన ప్రతి రైతు కుటుంబానికి సంవత్సరానికి ₹6,000 ఆర్థిక సాయం అందుతుంది.
మూడు విడతల్లో జమ: ఈ మొత్తాన్ని ఒకేసారి కాకుండా, ఏడాదికి మూడు విడతలుగా (నాలుగు నెలలకు ఒకసారి) రూ. 2,000 చొప్పున నేరుగా రైతుల ఖాతాల్లో జమ చేస్తారు.
డైరెక్ట్ బెనిఫిట్ ట్రాన్స్‌ఫర్ (DBT): ఎటువంటి మధ్యవర్తుల ప్రమేయం లేకుండా, అవినీతికి తావులేకుండా నిధులు నేరుగా రైతుల ఆధార్ లింక్డ్ బ్యాంక్ ఖాతాలకే చేరుతాయి.

అర్హత & అనర్హత నిబంధనలు (Eligibility Criteria)

కేటగిరీ	అర్హత వివరాలు	అనర్హత ప్రమాణాలు (Exclusions)
భూమి యాజమాన్యం	సొంతంగా సాగు భూమి కలిగి రెవెన్యూ రికార్డుల్లో పేరున్న రైతులు.	సాగు భూమి లేని కౌలుదారులు లేదా సంస్థాగత భూ యజమానులు (Institutional Landholders).
రైతు వర్గాలు	చిన్న, సన్నకారు రైతులతో పాటు విస్తీర్ణ పరిమితి లేకుండా పట్టా ఉన్న రైతులు.	ప్రభుత్వ ఉద్యోగులు (క్లాస్-IV/గ్రూప్-D మినహా), రాజ్యాంగ పదవులు నిర్వహించిన వారు.
ఆదాయ పరిమితి	సాధారణ రైతు కుటుంబాలు.	ఆదాయపు పన్ను (Income Tax) చెల్లించేవారు.
పింఛనుదారులు	నిబంధనలకు లోబడిన సామాన్య రైతులు.	నెలకు రూ. 10,000 లేదా అంతకంటే ఎక్కువ పెన్షన్ పొందుతున్న రిటైర్డ్ ఉద్యోగులు.
వృత్తి నిపుణులు	సాగుపై ఆధారపడిన వ్యవసాయదారులు.	రిజిస్టర్డ్ డాక్టర్లు, ఇంజనీర్లు, లాయర్లు, చార్టర్డ్ అకౌంటెంట్లు (CA).

అర్హతను నిర్ణయించేటప్పుడు రాష్ట్ర ప్రభుత్వం/UT Administration నమోదు చేసిన భూమి మరియు ఇతర వివరాలను పథకం నిబంధనల ప్రకారం పరిశీలిస్తుంది. కాబట్టి తాజా Eligibility Status‌ ను PM-KISAN అధికారిక పోర్టల్‌లో చెక్ చేయడం మంచిది

దరఖాస్తు విధానం

కొత్తగా ఈ పథకానికి దరఖాస్తు చేసుకోవాలనుకునే రైతులు కింద వివరించబడిన పద్ధతుల్లో రిజిస్టర్ చేసుకోవచ్చు:

ఆన్‌లైన్ సెల్ఫ్ రిజిస్ట్రేషన్: మీ అంతట మీరే మొబైల్ లేదా కంప్యూటర్ ద్వారా అధికారిక PM-Kisan Portal సందర్శించి ‘New Farmer Registration’ ఆప్షన్ ద్వారా దరఖాస్తు చేసుకోవచ్చు.
మీసేవ లేదా CSC కేంద్రాలు: మీకు దగ్గరలోని కామన్ సర్వీస్ సెంటర్ (CSC) లేదా డిజిటల్ సేవా కేంద్రానికి వెళ్లి అవసరమైన పత్రాలు ఇచ్చి నమోదు చేసుకోవచ్చు.
మొబైల్ యాప్: గూగుల్ ప్లే స్టోర్ నుండి అధికారిక PMKISAN GoI యాప్ డౌన్‌లోడ్ చేసుకుని కూడా రిజిస్ట్రేషన్ పూర్తి చేయవచ్చు.

రిజిస్ట్రేషన్ సమయంలో ఆధార్ నంబర్, మొబైల్ నంబర్, రాష్ట్ర వివరాలు మరియు భూమికి సంబంధించిన సమాచారం అవసరం కావచ్చు. స్థానిక Verification ప్రక్రియను బట్టి అదనపు వివరాలు అడగవచ్చు.

ఆన్‌లైన్‌లో పీఎం కిసాన్ స్టేటస్ చెక్ చేసుకోవడం

మీ ఖాతాలో డబ్బులు పడ్డాయా లేదా, మీ అకౌంట్ యాక్టివ్‌ గా ఉందా లేదా అనే సమాచారం తెలుసుకోవడానికి కింద పేర్కొన్న స్టెప్స్ ఫాలో అవ్వండి:

అధికారిక వెబ్‌సైట్ ఓపెన్ చేయండి: ముందుగా PM-Kisan అధికారిక వెబ్‌సైట్ ఓపెన్ చేయండి.
Know Your Status పై క్లిక్ చేయండి: హోమ్‌ పేజీలోని ‘Farmers Corner’ సెక్షన్‌లో ‘Know Your Status’ ఆప్షన్‌ను ఎంచుకోండి.
రిజిస్ట్రేషన్ నంబర్ నమోదు చేయండి: మీ రిజిస్ట్రేషన్ నంబర్ (Registration Number) మరియు క్యాప్చా కోడ్ (Captcha) ఎంటర్ చేయండి.
OTP వెరిఫికేషన్: ‘Get OTP’ బటన్ నొక్కండి. మీ రిజిస్టర్డ్ మొబైల్ నంబర్‌ కు వచ్చే వన్ టైం పాస్వర్డ్ ఎంటర్ చేసి వెరిఫై చేయండి.

ఒకవేళ రిజిస్ట్రేషన్ నంబర్ తెలియకపోతే: అదే పేజీలో పైన ఉన్న ‘Know Your Registration Number’ లింక్‌పై క్లిక్ చేసి, మీ ఆధార్ నంబర్ లేదా మొబైల్ నంబర్ ద్వారా ఓటీపీ వెరిఫై చేసి మీ రిజిస్ట్రేషన్ నంబర్ తెలుసుకోవచ్చు.

⚠️ ముఖ్య గమనిక PM-KISAN Statusలో e-KYC Verification: YES, Eligibility Status: YES, Land Seeding: YES వంటి వివరాలు కనిపిస్తే, సంబంధిత Verification అంశాలు పూర్తి అయినట్లు Statusలో చూపిస్తుంది.అయితే డబ్బు జమ అయిందా లేదా, తదుపరి Installment Payment Status ఏమిటో కూడా అదే అధికారిక Status Pageలో ప్రత్యేకంగా పరిశీలించాలి.PM-KISANలో e-KYC తప్పనిసరి అని అధికారిక Portal స్పష్టం చేస్తోంది.

అధికారిక పోర్టల్స్ & హెల్ప్‌లైన్ నంబర్లు

PM-KISAN కు సంబంధించిన e-KYC, రైతు రిజిస్ట్రేషన్, బెనిఫిషియరీ స్టేటస్, చెల్లింపు వివరాలు, ఫిర్యాదులు వంటి సేవల కోసం అధికారిక ప్రభుత్వ సేవలను ఉపయోగించడం మంచిది. సమస్య ఎదురైనప్పుడు ఈ కింది వివరాల ద్వారా సహాయం పొందవచ్చు.

సేవ	అధికారిక వివరాలు
PM-KISAN అధికారిక వెబ్‌సైట్	`pmkisan.gov.in`
టోల్ ఫ్రీ హెల్ప్‌లైన్	155261 / 1800-115-526
రైతు సమాచార కేంద్రం	011-24300606
ఫిర్యాదుల కోసం ఈమెయిల్	`pmkisan-ict@gov.in`
డిజిటల్ అసిస్టెంట్	PM-KISAN వెబ్‌సైట్‌లోని Kisan e-Mitra

జాగ్రత్త: PM-KISAN పేరుతో వచ్చే అనధికార లింకులు, ఫోన్ కాల్స్ లేదా మెసేజ్‌ లను నమ్మవద్దు. OTP, ATM PIN, బ్యాంక్ పాస్‌ వర్డ్ వంటి రహస్య వివరాలను ఎవరితో పంచుకోవద్దు. ప్రభుత్వ సేవల కోసం అధికారిక pmkisan.gov.in వెబ్‌సైట్‌నే ఉపయోగించండి.